Բաշկիրիայի հնագետները պատմական կենդանիների խոշոր գերեզման են հայտնաբերել, այդ թվում նաեւ՝ մամոնտների ոսկորներ ու ժանիքներ, հաղորդում է «ՌԻԱ Նովոստի»-ն՝ վկայակոչելով Բաշկիրիայի հնագիտության եւ ազգագրության թանգարանի ներկայացուցչին:
Գործակալության զրուցակցի խոսքով՝ ոսկորները հայտնաբերվել են Սպիտակ գհետի ափին:
«200 մետր ընդհանուր տարածքում հայտնաբերվել են կենդանիների բազմաթիվ մնացորդներ, այդ թվում՝ ենթադրաբար մամոնտի ժանիքներ, ողեր, կոնքոսկր», - հայտնում է գործակալությունը:
Գիտանակնները պետք է վերականգնեն եւ նկարագրեն այդ մնացորդները, ինչպես նաեւ որոշեն՝ մնացած ոսկորները կենդանիների ո՞ր տեսակներին են պատկանում:
Թանգարանի ցուցադրանմուշների շարքում արդեն առկա մամոնտ: Այստեղ ներկայացված է վ1970թ. Սպիտակ գետի ափերին գտնված նախապատմական կենդանու կմախքը:
