Միացյալ նահանգները խորապես մտահոգված է այն հանգամանքով, որ իրավապաշտպան Լեյլա Յունուսը գտնվում է նախնական կալանքի մեջ, չունի անհրաժեշտ բժշկական օգնություն ստանալու հնարավորություն՝ չնայած վատ ինքնազգացողությանը: «Մենք հատկապես մտահոգ ենք Յունուսի հասցեին շարունակվող սպառնալիքներով», - ասվում է պետքարտուղարության հայտարարության մեջ:
Վաշինգթոնը Արդբեջանի կառավարությանը կոչ է արել Լեյլա Յունուսին անհապաղ անկախ բժշկական զննության ենթարկել, ապահովել վերջինիս անվտանգությունն ու բարելավել կեցության պայմանները: «Մենք նաեւ Ադրբեջանի կառավարությանը կոչ ենք անում հարգել օրենքի գերակայությունը եւ ազատ արձակել նրանց, հիմնարար ազատությունների իրացումն ապահովելու համար ձերբակալված անձանց՝ ամենից առաջ՝ լուրջ հիվանդություններով տառապողներին: Սա հատկապես վերաբերում է Լեյլային եւ նրա ամուսնուն՝ Արիֆին», - ասվում է հայտարարության մեջ:
