«ReAnimania» անիմացիոն ֆիլմերի փառատոնը կազմակերպելու համար Հայաստանի մշակույթի նախարարությանը 5 մլն դրամ կփոխանցվի: Այդ մասին որոշումն ընդունվել է այսօր՝ հոկտեմբերի 16-ին կառավարության նսիտին: Փառատոնը կանցկացվի հոկտեմբերի 25-31-ին:
Հիշեցնենք, որ «ReAnimania» անիմացիոն ֆիլմերի փառատոնը ամեն տարի անցկացվում է Հայաստանում: Փառատոնի նպատակն է հայ հանդիսատեսին ծանոթացնել դասական համաշխարհային անիմացիային, ինչպես նաեւ հայ եւ օտարերկրյա անիմատորերի նոր ստեղծագործություններին: Փառատոնի մեկ այլ նպատակն է շփումներ հաստատել հայ մուլտֆիլմներ ստեղծողների եւ արտասահմանյան գործընկերների միջեւ: Տարբեր տարիներին փառատոնին այցելել են հայտնի անիմատորներ եւ Ֆրանսիայի, Իտալիայի, Լիտվայի եւ մի շարք այլ երկրների պրոդյուսերներ: