Մասնագետները վերլուծության են ենթարկել Եվրոպայի, Մերձավոր Արեւելքի ու Աֆրիկայի շուկաները եւ բացահայտել, որ Մեծ Բրիտանիային բաժին է ընկել 2014թ. առաջին կիսամյակին իրագործված բոլոր հաքերային գրոհների 17%-ը:
Հաքերային գրոհների հաճախականությամբ երկրորդ տեղում հայտնվել է Գերմանիան՝ 12% ցուցանիշով: Սաուդյան Արաբիային բաժին է ընկել գրոհների 10%-ը, Թուրքիային՝ 9%-ը, Շվեյցարիային՝8%-ը: Ամենաքիչ գրոհները գրանցվել են Ֆրանսիայում (4%), Շվեդիայում (4%) եւ Իսպանիայում(3%), գրում է Сomputer Weekly-ն:
Անցած տարբա համեմատությամբ, իրականացված հաքերային գրոհների թվաքանակը մոտ 2 անգամ ավելացել է:
FireEye ընկերությունն իր հաշվետվությունում նշում է, որ ավելի հաճախակի գրանցվել են DarkComet, njRAT (LV), Taidoor եւ XtremeRAT վնասակար վիրուսների վարակման դեպքեր: Տուժածների թվում են հիմնականում ֆինանսական կազմաքերպությունները, ինչպես նաեւ հեռահաղորդակցական ընկերությունները, հայտնում է SecurityLab-ը:
Չարագործների կողմից ամենից շատ հարձակումների են ենթարկվում պետական հաստատությունները: Մասնագետների կարծիքով, այս միտումը կշարունակվի նաեւ ապագայում: Ընդ որում, առավելագույն ռիսկի ենթարկվում տվյալների մեծ ծավալներով գործունեություն ծավալող պետական կազմաքերպությունները, հայտնում է NEWSru.com-ը:
