Իռլանդիայի ողջ տարածքում ջրհեղեղի վտանգի բարձր` «դեղին» մակարդակ է հայտարարվել` շաբաթ օրը սպասվող տեղատարափ անձրեւների եւ քամու պատճառով: Ազգային օդերեւութաբանական ծառայությունից հայտնել են, որ արտակարգ բոլոր ծառայությունները բարձր պատրաստականության վիճակում են:
Ըստ կանխատեսման` օրվա ընթացքում տեղումները կավելանան, իսկ քամին կղզու հարավարեւելյան հատվածում կհասնի 18-23 մ/վրկ. արագության, առանձին հատվածներում` մինչեւ 25-30 մ/վրկ.-ի, փոխանցում է ՏԱՍՍ-ը:
«Եղանակային նման պայմաններում մենք կարող ենք բախվել բազմաթիվ կոմունալ վթարների, որոնք առաջին հերթին կապված կլինեն տապալված ծառերի եւ պոկված էլեկտրալարեի հետ», - նշել են գերատեսչությունում: Առայժմ Դուբլինի եւ Շանոնի օդանավակայաններն աշխատում են բնականոն ռեժիմով:
Ոստիկանությունը վարորդներին կոչ է անում ուշադիր լինել ճանապարհներին` սպասվող տեղատարափ անձրեւների պատճառով, որոնք կարող են մասնակի հեղեղումների պատճառ դառնալ:
