Եվպատորիայի հայ եւ գերմանացի համայնքները իշխանություններին կոչ են արել աջակցել իրենց մշակութային շինությունները վերադարձնելու հարցում: Այս մասին հաղորդում է «Ե-Կրիմ» գործակալությունը՝ վկայակոչելով Եվպատորիայի քաղաքային խորհրդի գործկոմի մամուլի ծառայությունը:
Հայ համայնքին չեն տրվել հայկական եկեղեցու բոլոր շենքերը: Այդ շենքը գտնվում է հաշմանդամների ու ծերերի տուն-ինտերտանտի տարածքում: Քաղաքային իշխանությունները վստահեցրել են, որ հարցը քննարկվել է Ղրիմի նախարարների խորհրդի մակարդակով եւ խոստացել են շուտափույթ լուծել այդ խնդիրը:
Նմանատիպ խնդիր ունի նաեւ գերմանական համայնքը: Մի քանի տարի այդ համայնքը խնդրում է իրենց վերադարձնել Չերնիշեւսկիի փողոցում գտնվող գերմանական եկեղեցու շենքը: Այն գտնվում է բնակարանային շահագործման հատվածում, որը պատրաստվում են տալ Ռուսաստանի ՊՆ-ին: Իշխանությունները խոստացել են, որ «կաջակցեն այդ խնդրի լուծմանը»:
