Շիրակի մարզի Հովտաշեն համայնքում հոկտեմբերի 19-ին անցկացված գյուղապետի ընտրություններում ՀՅԴ անդամ, համայնքը 14 տարի ղեկավարած Սեյրան Փիլոսյանը հաղթեց ՕԵԿ փոխնախագահ Հեղինե Բիշարյանի աղգականին՝ Արսեն Եղոյանին: NEWS.am-ը Կենտրոնական ընտրական հանձնաժողովի կայքից տեղեկացավ, որ Արսեն Եղոյանը ստացել է 55 ձայն, Սեյրան Փիլոսյանը՝ 133 ձայն:
Սեյրան Փիլոսյանը NEWS.am-ի թղթակցի հետ զրույցում ասաց, որ մրցակից թեկնածուին ձայն են տվել նրա բարեկամները, իսկ իրեն՝ իր ժողովուրդը: Նա վստահեցրեց, որ արդար ընտրություն է անցկացվել: «Ինքը Բիշարյանի քեռու թոռն է, ոչ թե եղբորորդին, ու սուտ ասելու համար էլ Բիշարյանը հրաժարվել է իրենից, ասել է՝ հեռու մնացեք ինձնից, ես կապ չունեմ»,-ասաց գործող գյուղապետը: