ԱՄՆ-ի պետքարտուղար Ջոն Քերին առաջարկել է վերականգնել զինաթափման շուրջ բանակցությունները: Այդ մասին հայտնում է «ՏԱՍՍ»-ը՝ մեջբերելով ՌԴ արտգործնախարար Սերգեյ Լավրովին:
Լավրովի կարծիքով, Ռուսաստանի եւ ԱՄՆ-ի միջեւ հարաբերությունների սառեցման ժամանակահատվածը երկար կտեւի: «Ռուսաստանը հետեւողականորեն կպարզաբանի միաբեւեռ աշխարհին վերադառնալու ուտոպիստական փորձերը», - գործակալությունը մեջբերում է Լավրովի խոսքերը:
Բացի այդ, նախարարը հայտարարել է, որ ԱՄՆ-ի եւ ԵՄ-ի հետ հարաբերությունների հարթեցման խելամիտ այլընտրանք գոյություն չունի: «Մենք ելնում ենք այն հանգամանքից, որ մեր եւ Եվրամիության, ինչպես եւ ԱՄՆ-ի միջեւ հարաբերությունների հարթեցման այլընտրանք չկա: Սակայն կարեւոր է, որ դա գիտակցի նաեւ մյուս կողմը եւ ամենակարեւորը, որ այն ամրապնդվի միակողմանի հարկադրական միջոցառումների անարդյունավետության ըմբռնմամբ, ինչպես նաեւ բացառապես իրավահավասար երկխոսության՝ որպես առաջխաղացման հիմքի գիտակցմամբ», - նշել է Լավրովը: