Ռուսաստանի Դաշնությունում ՀՀ դեսպանատունը քայլեր է ձեռնարկում հոկտեմբերի 18-ին հայերի մասնակցությամբ տեղի ունեցած միջադեպի վերաբերյալ լրացուցիչ տեղեկատվություն ձեռք բերելու համար: Այս մասին դեսպանատան խորհրդական Լեւոն Թորգոմյանը:
«Այս պահին համագործակցում ենք ոստիկանության եւ առողջապահության նախարարության հետ՝ պարզելու, թե ինչքանով է տարածված տեղեկատվությունը համապատասխանում իրականությանը, որ երկրի քաղաքացիներ են, որն է վեճի պատճառը, ինչ վիճակում են վիրավորները: Պաշտոնական ոչինչ այս պահին չկա»,- ասաց Լեւոն Թորգոմյանը:
Նշենք, որ ըստ Direct Press-ի՝ մոսկովյան սրճարաններից մեկում հոկտեմբերի 18-ին սառը զենքի, մասնավորապես՝ դանակի կիրառմամբ կռիվ է տեղի ունեցել տղամարդկանց երկու խմբի միջեւ: Նախնական տվյալներով՝ բոլորը հայեր են եղել, 21-ից մինչեւ 33 տարեկան: Տղամարդիկ ալկոհոլի ազդեցությամբ են եղել, եւ լեզվակռիվը վերածվել է ծեծկռտուքի: Ոստիկանության տվյալներով, երկու հայեր կալանավորվել են, իսկ չորս հոգու վնասվածքներով տեղափոխել են հիվանդանոց:
