Կալիֆորնիա նահանգի հարավ-արեւմուտքում 30-ամյա կինը մնացել է երկհարկանի տան ծխնելույզում:
Կինը փորձել է ծխնելույզով տուն թափանցել, սակայն գողություն անել նրան այդպես էլ չի հաջողվել: Հրշեջները ստիպված են եղել քանդել մասնավոր տան ծխնելույզը՝ գողին փրկելու համար:
Կնոջը հիվանդանոց են տեղափոխել, իսկ բժշկական հետազոտությունից հետո նրան ձերբակալել են՝ ուրիշի տուն մտնելու փորձի եւ ոստիկանության աշխատակիցներին կեղծ տեղեկություններ տալու համար:
Տանտերը պատմել է, որ կնոջ հետ ծանոթացել է համացանցում, եւ որ սա իր տուն մտնելու նրա առաջին փորձը չէ: Հանցագործի ընտանիքը տանտիրոջը քանդված ծխնելույզի համար փոխհատուցում է առաջարկել:
