«Հրապարակ» թերթը գրում է. «Փաստորեն, ԲՀԿ-ն իշխանափոխություն է անում թաքստոցներից, ԲՀԿ-ական գործարար պատգամավորները երեկ ԱԺ-ում փախեփախ էին անոմ լրագրողներից: Ոմանք սպառնալից հայացքներով փորձեցին կանխել մեր հարցերը եւ հորդորել հեռու մնալ իրենցից` Կարամելի Հարութը` Հարություն Ղարագյոզյանը, Գագիկ Ծառուկյանի խնամի Մուրադ Գուլոյանը, Տիգրան Ստեփանյանը եւ ուրիշներ: Լրագրողի հարցերից խույս տված պատգամավորները թաքնվեցին հարազատ խմբակցությունում: Նրանցից միայն Շշերի Մելոն` Մելիք Մանուկյանը, համարձակվեց բառ փոխանակել եւ տեղեկացրեց, որ էլի է մասնակցելու հանրահավաքին, իսկ «իշխանափոխության կոչեր հնչեցնելու եք» հարցին ի պատասխան` ժպտալով հեռացավ»:
Առավել մանրամասն՝ թերթի այսօրվա համարում
