Օմսկում 8-ամյա դպրոցականն ինքնասպան է եղել: Խանութից վերադառնալով՝ մայրը բնակարանում հայտնաբերել է տղայի դին: Ըստ «Կոմսոմոլսկայա Պրավդա»-ի, երեխայի կողքին կիմոնոյի գոտի է եղել:
Աղբյուրի համաձայն, հարուցվել է քրեական գործ՝ «Ինքնասպանության հասցնելու» հոդվածի հատկանիշներով: «Ընտանիքը, որտեղ դեպքը տեղի է ունեցել, բարեկեցիկ եւ լիարժեք է: Նրանք նաեւ ավագ երեխա ունեն, ով 11 տարեկան է: Տղայի մայրը շատ ծանր հոգեբանական վիճակում է»,- ասել է Ռուսաստանի Օմսկի մարզի Քննչական կոմիտեի ղեկավարի ավագ օգնական Լարիսա Բոլդինովան:
«Մենք չենք բացառում, որ ամեն ինչ կարող էր լինել այլ կերպ, քան ներկայացվում է: Տարբեր վարկածներ են դիտարկվում. դժբախտ դեպքի հետեւանքով մահից մինչեւ ինքնասպանություն»,- ասել է պաշտոնյան:
Դատելով սոցիալական ցանցի էջից՝ տղան առցանց խաղերով էր տարված: Իր էջում գրել է, որ հերթական խաղի նոր մակարդակն է հաղթահարել: Այդ խաղում նաեւ հրաձգություն կա: