Նկուղների գողության դեպքեը ավելանում են հատկապես աշնանը ու ձմռանը, սեպտեմբերի 26-ին Արտաշատի ոստիկանները նկատել էին ուսապրկով տղամարդու, ում անձը կասկածելի էր թվացել: Այս մասին NEWS.am-ը տեղեկացավ ոստիկանությունից:
Պարզվել էր, որ նա Արտաշատի բնակիչ Վարդան Միլիտոսյանն է, ով հայտարարել է, թե ուսապարկի պարունակությունը իրենն է: Նույն ժամանակ ոստիկանության Արտաշատի բաժին էր դիմել մի քաղաքացի, ով հայտնել էր, որ անհայտ անձը կոտրել էր շենքի հետնամասում գտնվող պահեստարանի կողպեքը, տարել սննդամթերք, մալուխ, գործիքներ: Վարդան Միլիտոսյանին ոչինչ չէր մնում անել, քան խոստովանելը. «Բացեցի, բացվավ, աչքս ինչ տեսավ, վերցի»,-ասաց նա: Դեպքի առթիվ հարուցվել է քրեական գործ ՔՕ-ի 177-րդ հոդվածի 2-րդ մասի հատկանիշներով:
Մանրամասները՝ տեսանյութում