Թուրքիայում 2013-ի դեկտեմբերի 17-ի  «Մեծ կաշառք» գորոծղության իրականացման ժամանակ ծառայության մեջ գտնվող ոստիկանների եւ ոստիկանապետերի հերթական որսն է սկսվել հոկտեմբերի 21-ի առավոտյան:

Թուրքական Milliyet-ի փոխանցմամբ՝ Անկարայի ոստիկանությունը հեռախոսազրույցների անօրինական լսումների գործի շրջանակներում գործողություն է սկսել Ֆեթուլլահ Գյուլենի կողմնակից համարվող ոստիկանների եւ ոստիկանապետերի դեմ:

Հայտնի է դարձել, որ գործողության շրջանակներում ձերբակալման որոշում կա 18 ոստիկանի նկատմամբ, որոնց մեջ են ոստիկանության հետախուզության վարչության պետ Օմեր Ալթընփարմաքի եւ ահաբեկչության դեմ պայքարի վարչության Անկարայի բաժնի պետի տեղակալ Լոքման Քըրջըլի անունները:

Նշենք, որ 2013-ի դեկտեմբերի 17-ին Թուրքիայի մի շարք վայրերում տեղի է ունեցել համաժամանակյա գործողություն, որը ստացել է «Մեծ կաշառք» անունը։ Գործողության ժամանակ ձերբակալվել եւ այնուհետ կալանավորվել են նախարարների որդիներ,գործարարներ եւ պաշտոնյաներ։