Չինաստանում վերջին տարվա ընթացքում ավելի քան 2000 մարդու նահապատժի են ենթարկել: Այդ մասին հաղորդում է « Gazeta.ru »-ն՝ վկայակոչելով տվյալները, որոնք հրապարակվել են «Դույ Հուա» իրավապաշտպան հիմնադրամի կողմից:
Աղբյուրի համաձայն՝ վերջին երկու տարվա ընթացքում Չինաստանում մահապատիժների թիվը 20 տոկոսով նվազել է: Չնայած դրան՝ Չինաստանն առաջինն է աշխարհում մահապատիժների թվով, դրանց մասին տեղեկությունը պետական գաղտնիք է համարվում, սակայն «Դույ Հուայի» ներկայացուցիչները պնդում են, որ կարողացել են տեղեկություններ ստանալ «դատարանի ներկայացուցչից:
Չինաստանի դատական համակարգն այժմ իշխող Կոմունիստական կուսակցության վերահսկողության ներքո է: Իրավապաշտպանների տեղեկությունների համաձայն՝ մեղադրական վճիռներ կայացվում են 100 տոկոս դեպքերում, իսկ բռնի ուժի կիրառմամբ խոստովանություն կորզելը բավական տարածված է երկրում:
