Ցանկության դեպքում կարելի է Հայաստանից Ռուսաստան տարբեր կաթնամթերք արտահանել: Այս մասին NEWS.am-ի թղթակցի հետ զրույցում հայտարարեց Կաթնամթերք արտադրողների միության նախագահ Ղուկաս Բունիաթյանը:
«Ամենից դյուրինը, իհարկե, պանիր արտահանելն է: Բայց կարծում եմ, որ կարելի է նաեւ այլ կաթնամթերք արտահանել: Ինչո՞ւ ոչ: Ինքնաթիռով փոխադրման դեպքում հնարավոր կլինի պահպանել ժամկետները: Առայժմ մենք այդ հարցի շուրջ բանակցություններ չենք վարել, սակայն հնարավոր է՝ առաջիկայում ռուսաստանցի գործընկերների հետ կքննարկենք»,- հավելեց Բունիաթյանը:
Նշենք, որ կաթնամթերքից Հայաստանից արտահանվում են պանիր եւ կաթի փոշի: Արտահանման ընդհանուր ծավալներում 65%-ը բաժին է հասնում պանրին (2013 թվականին՝ շուրջ 4.6 մլն դոլար - խմբ.):