Այա Կուպերը, որը քվեարկել էր ԱՄՆ-ի նախագահի հարեւանությամբ, հայտնել է, որ «շփոթված եւ ցնցված էր» իր փեսացուի կատակից, որը նախագահին խնդրել էր «ձեռք չտալ իր ընկերուհուն»: Այս մասին հայտնում է CNN-ը:
Աղբյուրը հստակեցնում է, որ Իլինոյս նահանգի ընտրությունների ժամանակ Օբաման քվեատուփի առաջ կանգնած է եղել Այա Կուպեր անվամբ կնոջ կողքին, որի փեսացուն՝ Մայք Ջոնսը, նախագահին խնդրել է ձեռք չտալ իր ընկերուհուն, ինչին Օբաման հակադարձել է. «Ես իրականում չէի էլ պատրաստվում դա անել»:
Զավեշտալի միջադեպից հետո զույգը հայտնել է Օբամային իրենց հարսանիքին հրավիրելու ցանկության մասին: «Ես ցանկանում եմ հանդիպել Միշելի հետ»,- ասել է Կուպերը: «Հուսով եմ՝ նա ոչ մի վատ բան չի մտածել իմ մասին, իրոք ցանկանում եմ հանդիպել նրա հետ»:
Ընտրություններից հետո Կուպերը ներողություն է խնդրել ընկերոջ փոխարեն: