NASA-ն տիեզերական հազվադեպ երեւույթ է արձանագրել՝ նեյտրոնային աստղի ցնցում, որը Տիեզերքում ամենաուժեղ մագնիսական դաշտն ունի: Այս մասին հայտնում է «ՌԻԱ Նովոստին»՝ վկայակոչելով NASA-ի տվյալները:
Մագնեթար անվանումն ստացած նեյտրոնային աստղը շատ արագ է պտտվում եւ ունի բացառիկ հզոր մագնիսական դաշտ: Ներկայումս միջազգային կատալոգում հաստատված ընդամենը 23 մագնեթար կա:
Վերջին մի քանի տասնամյակում նման ժայթքումներ տարբեր աղբյուրներից դիտվել են երեք անգամ՝ 1979, 1998 եւ 2004 թվականներին, եւ աստղային ցնցումների մասին տվյալները միայն վերջին երկու դեպքում էին գրանցվել:
