Եվրախորհրդարանը այսօր՝ հոկտեմբերի 22-ին, հաստատել է Եվրահանձնաժողովի նոր կազմը՝ 2014-19 թվականների համար, Ժան Կլոդ Յունկերի գլխավորությամբ: Այս մասին հաղորդում է ՏԱՍՍ-ը:
Այդ որոշման օգտին քվեարկել են 699 պատգամավորներից 423-ը: Դեմ են եղել 209-ը, ձեռնպահ՝ 67-ը: Նոր Եվրահանձնաժողովը կարող է իր աշխատանքներն սկսել նոյեմբերի 1-ից:
«Հաջորդ հանձնաժողովը շատ քաղաքական կլինի իր բնույթով: Եվրահանձնակատարների շարքում են ինչպես նախկին, այնպես էլ գործող վարչապետներ ու նախարարներ, նաեւ նախկին եվրապատգամավորներ»,-ասել է Յունկերը:
Ըստ աղբյուրի, յունկերը կձգտի վերադարձնել ԵՄ-ի վարկային բարձր վարկանիշը: «Ուզում եմ, որ ԵՄ-ն վերադարձնի իր բարձր վարկանիշը, բայց ավելի շատ ուզում եմ, որ ԵՄ-ն ունենա սոցիալական եռակի A, որը նույնքան կարեւոր է, որքան տնտեսական եռակի A-ն»,-ընդգծել է Եվրահանձնաժողովի նոր նախագահը:
