Հնդկաստանի Բենգալոր քաղաքի ոստիկանությունը քննում է միջազգային մասնավոր մանկական դպրոցում երեք տարեկան աղջնակի բռնաբարության գործը, հայտնում է DailyMail-ը:
Ըստ աղբյուրի՝ աղջիկը մորը պատմել է, որ իրեն դպրոցում ծեծել են, սակայն ավելի ուշ խոստովանել է, որ դպրոցում սեռական բռնության է ենթարկվել «մի քեռու կողմից»:
Ոստիկանությունը զննում է հսկող տեսախցիկների տեսագրությունները եւ սպասում դատաբժշկական փորձագետի հաշվետվությանը՝ երեխայի առողջության վերաբերյալ: «Նախնական բուժզննումը բռնության հետքեր է հայտնաբերել երեխայի մարմնին: Աղջիկն այժմ դպրոցում է», - մեջբերում է թերթը ոստիկանի խոսքերը:
Աղբյուրը նշում է, որ ոստիկանությունը դպրոցում վեց տղամարդ ուսուցչի է հարցաքննել: Ոչ ոք առայժմ ձերբակալված չէ: