«Բարգավաճ Հայաստան» խմբակցության պատգամավորների հետ հանդիպման քննարկվել են օրակարգային հարցեր: Այս մասին NEWS.am-ի թղթակցի հետ զրույցում ասաց ԲՀԿ առաջնորդի մամուլի խոսնակ Իվետա Տոնոյանը:
Նա նշեց, որ նիստը նախագահել է Գագիկ Ծառուկյանը, քննարկվել են օրակարգային հարցեր, այդ թվում՝ հարցեր, որոնք կապված են առաջիկա համապետական հանրահավաքի հետ: Գագիկ Ծառուկյանը պատգամավորների հետ հանդիպմանը վերահաստատել է, որ հոկտեմբերի 24-ին ծրագրային ելույթ է ունենալու:
Նշենք, որ Գագիկ Ծառուկյանը հանդիպել է նաեւ ՀԱԿ առաջնորդ, առաջին նախագահ Լեւոն Տեր-Պետրոսյանի հետ: Այսօր նա նաեւ պետք է հանդիպի «Ժառանգության» առաջնորդ Րաֆֆի Հովհաննիսյանի հետ: Այնուհետեւ նախատեսվում է եռյակի լիդերների հանդիպումը:
Նշենք, որ ԲՀԿ առաջնորդը բոլոր պատգամավորների հանձնարարել է ներկա լինել հոկտեմբերի 24-ի հանրահավաքին:
