Բրիտանացի Ռոդ Քիրքպատրիկը Քինդեր գետի վրա բնության հազվագյուտ երեւույթ է նկարահանել. ուժեղ քամին փոխել է ջրվեժի ուղղությունը: Այս մասին գրում է LifeNews-ը:

Գետը հոսում է Մեծ Բրիտանիայի հյուսիսային Դերբիշիրում, Պիկ-Դիսթրիքթ բարձունքում: Ռոդը հավաստում է, որ լավ եղանակին ջուրը հանդարտ ներքեւ է հոսում, սակայն փոթորկի ժամանակ քամին ջրվեժին բառացիորեն ստիպում է հետ շրջվել:

Բրիտանացին մշտապես նկարահանում է ուժեղ քամու ազդեցությամբ Քինդեր գետի վրայի ջրվեժը, բայց այս տեսանյութը Youtube-ում իսկական հիթ է դարձել: