Հայաստանի կառավարությունը շարունակում է Իրան-Հայաստան երկաթուղու համար ներդրումներ փնտրել: Այս մասին հոկտեմբերի 22-ին խորհրդարանում հայտարարեց Հայաստանի վարչապետ Հովիկ Աբրահամյանը՝ մեկնաբանելով Իրան կատարած իր այցը: Նա հիշեցրեց, որ «Расиа ФЗЭ» ներդրումային ընկերությունն արդեն հետաքրքրվել է նախագծով եւ հիմա ֆինանսավորում է փնտրում:
«Ինչպես գիտեք, այդ ծրագիրը շատ կարեւոր է մեր երկրի համար: Իրանի ղեկավարությունը պատրաստ է համագործակցել, եւ երբ ծրագրի համար ֆինանսավորում գտնենք, կօգնի մեզ իրականացնել այն»,- հայտարարեց վարչապետը:
Նախնական տեղեկություններով, երկաթուղու շինարարությունը գնահատվում է 3.2 մլրդ դոլար, որի 60%-ը պատրաստ է ներդնել «Расиа ФЗЭ» ընկերությունը: Ակնկալվում է, որ երկաթուղու կառուցումը մինչեւ 6 տարի կտեւի: Փետրվարին կառավարությանը ներկայացրած փաստաթղթի համաձայն, շինարարությունը հնարավոր է սկսել 2016 թվականին եւ ավարտել 2022-ին:
