Պեկինի Ցինխուա համալսարանում ելույթ ունենալիս Facebook-ի ղեկավարը ցուցադրել է չինարենի գերազանց իմացությունը, գրում է Lenta.ru-ն:

Աղբյուրի փոխանցմամբ՝ չինարենի մանադարինյան բարբառով 30-րոպեանոց հարցուպատասխանը Ցուկերբերգը տեղադրել է Facebook-ի իր պաշտոնական կայքում: Մեկնաբանություններում չինացիները հայտարարել են, որ Ցուկերբերգը իրապես ազատորեն խոսում է չինարենով եւ նրա ելույթը մեծ տպավորություն է գործել:

Աղբյուրի փոխանցմամբ, Ցուկերբերգը չինարենը սկսել է ուսումնասիրել 2010թ.-ին՝ այն անվանելով «անձնական մարտահրավեր»: Չինաստանում Facebook-ի մուտքը պաշտոնապես արգելափակված է, սակայն սոցցանցի սեփականատերը հույս ունի տարհամոզել տեղական իշխանություններին: