Մեծ Բրիտանիայում տարրական դասարանների ուսուցչուհուն արգելել են դասը վարել՝ մարմնի դաջվածքների պատճառով, հայտնում է Lenta.ru-ն:
Ուսուցչուհուն, նշում է աղբյուրը, ուղարկել են տուն եւ խնդրել դաջվածքները քողարկել պլաստիրով կամ վիակապով:
Դպրոցի ներկայացուցիչներն էլ հայտարարում են, որ ուսուցչուհուն դաս վարելը չեն արգելել, այլ հարգալից խնդրել են ծածկել դաջվածքները:
Դրանից հետո 26-ամյա ուսուցչուհին երկարաթեւ հագուստ է կրում, որի տակից չեն երեւում ձեռքերի դաջվածքները: Դպրոցը, սակայն, դժգոհում է նաեւ պարանոցի եւ մատների դաջվածքներից: