Վայոց ձորի մարզպետ Էդգար Ղազարյանը լքեց իր պաշտոնը: Համապատասխան որոշումը հաստատվել է կառավարության այսօրվա նիստում:
Նիստում տարածքային կառավարման փոխնախարար Վաչե Տերտերյանը հայտնել է, թե Ղազարյանն այլ աշխատանքի է տեղափոխվում: Վարչապետ Հովիկ Աբրահամյանը շնորհավորել է Ղազարյանին եւ նրան հաջողություններ է մաղթել: «Այժմ նա դահլիճում չէ, բայց կարծում եմ՝ լսում է մեզ: Նրան հաջողություններ մաղթենք»,- ասել է Աբրահամյանը:
Էդգար Ղազարյանը մարզպետի պաշտոնը զբաղեցրել էր 2012թ. հունիսին, երբ ԲՀԿ-ն դուրս էր եկել կոալիցիայից եւ զրկվել պաշտոնների քվոտայից (մինչ այդ Վայոց ձորի եւ Գեղարքունիքի մարզպետները ԲՀԿ-ից էին):
