Հայաստանի բուհական համակարգում կհստակեցվի ինչպես մասնագիտությունների դասակարգումը, այնպես էլ բուհերի շրջանավարտների որակավորումը: Համապատասխան որոշումն կառավարությունն ընդունել է այսօր՝ հոկտեմբերի 23-ին:
Ինչպես նշվում է կառավարության բացատրագրում , 2007թ.-ից գործող բուհական կրթության այսօրվա դասակարգմամբ՝ Հայաստանում հաշվվում է 210 մասնագիտություն եւ 92 որակավորում: Այդուհանդերձ, գործող համակարգը թույլ չի տալիս կրթությունը համապատասխանեցնել շուկայի պահանջներին: Նոր դասակարգմամբ ծրագրվում է 114 մասնագիտություն եւ 55 որակավորում հաստատել:
