Ավտոմեքենաների եւ մոտոցիկլների միջազգային արտադրող Honda ընկերությունը 2015թ. ամբողջ աշխարհում կդադարեցնի Accord Euro սեդանի արտադրությունը, գրում է Gazeta.ru-ն՝ վկայակոչելով ավտրալական The Motor Report պարբերականին:
Աղբյուրի փոխանցմամբ՝ մեքենայի փոխարինում չի նախատեսվում: «Հաջորդ տարվա փետրվարը Ավստրալիայի համար վաճառքի վերջին ամիսը կլինի», - աղբյուրը մեջբերում է Ավստրալիայի ընկերությյան տնօրեն Սթիվեն Քոլինզին:
AvtoAvto պորտալի փոխանցմամբ՝ սեդանների վաճառքը ավելի է բարդանում, դրանց պահանջարկը, մասնավորապես, Եվրոպայում անընդհատ ընկնում է, ինչն էլ սեդանի արտադրության դադարեցման հիմնական պատճառներից մեկն է:
