Հղիության նպաստ պետք է ստանան ինչպես աշխատող, այնպես էլ չաշխատող կանայք, հոկտեմբերի 23-ին լրագրողներին հայտնել է ՀՀ աշխատանքի եւ սոցիալական հարցերի նախարար Արտեմ Ասատրյանը: Ըստ նրա՝ այդ պարագայում հղի կանայք կդադարեն հնարավոր բոլոր միջոցներով աշխատանքի ձեւակերպվել, որպեսզի 1-2 ամսից դեկրետ գնան: Մեր դիտարկումներով՝ նպաստ ստացողների շուրջ 30%-ն այդպես էլ վարվում է»,- հավելել է նա:
Կառավարության նախնական գաղափարն է՝ նվազագույն աշխատավարձի չափով նպաստ սահմանել, որն այժմ Հայաստանում 50 հազար դրամ է:
Պատասխանելով հարցին, թե պետությունը չաշխատող հղի կանանց նպաստը չի՞ վճարի աշխատողներից կրճատումներ կատարելու հաշվին, նախարարը վստահեցրել է, որ ոչ մի նման բան տեղի չի ունենա: Աշխատող կանանց նպաստը, ինչպես նախկինում, կգումարվի նրանց աշխատավարձին՝ մինչեւ դեկրետ գնալը: