Հայաստանում ընթացիկ տարվա ինն ամիսներին հայտնաբերվել է Ինտերպոլի անդամ երկրներից գողացված 9 ավտոմեքենա: Այս մասին հոկտեմբերի 23-ի մամուլի ասուլիսում հայտարարել է Հայաստանում Ինտերպոլի ազգային կենտրոնական բյուրոյի պետ, ոստիկանության փոխգնդապետ Արա Ֆիդանյանը՝:
Ըստ նրա՝ Գլխավոր քարտուղարությունը, Ինտերպոլի կոմիտեն եւ Հայաստանում Ինտերպոլի ազգային կենտրոնական բյուրոն օպերատիվ տեղեկատվական ստուգումներ են իրականացրել 34839 տրանսպորտային միջոցների նկատմամբ, որոնք ներկայացվել են ՀՀ ֆինանսների նախարարության հատուկ մասնագիտացված մաքսակետի կողմից (2013 թ. այդ թիվը 26722 էր): «Եթե 2003 -2004 թթ. Հայաստանում հայտնաբերվել էր միջազգային հետախուզման մեջ գտնվող 139 մեքենա, ապա 2014 թ. իրականացված աշխատանքների շնորհիվ , ինչպես նշեցի, այդ թիվը կազմում է 9 մեքենա», - ընդգծել է Արա Ֆիդանյանը:
