Պաշտոնական այցով Երևան ժամանած՝ Գերմանիայի Դաշնային Հանրապետության արտաքին գործերի նախարար Ֆրանկ-Վալտեր Շտայնմայերն այսօր՝ հոկտեմբերին 23-ին, ՀՀ արտգործնախարար Էդվարդ Նալբանդյանի ուղեկցությամբ այցելել է Ծիծեռնակաբերդ եւ ծաղիկներ դրել Հայոց ցեղասպանության զոհերի հուշահամալիրին:
Հայոց ցեղասպանության թանգարան-ինստիտուտի տնօրեն Հայկ Դեմոյանը Գերմանիայի Դաշնային Հանրապետության արտաքին գործերի նախարար Ֆրանկ-Վալտեր Շտայնմայերին նվիրեց իր հեղինակած և օրերս հրատարակված «Հայոց ցեղասպանության լուսաբանումը համաշխարհային մամուլի առաջին էջերին» պատկերազարդ գիրքը և 2013թ. «Հայփոստի» կողմից թողարկված հայասեր, գերմանացի հասարակական գործիչ Յոհաննես Լեփսիուսին նվիրված նամականիշ:
Նշենք, որ այցի շրջանակում Գերմանիայի արտաքին քաղաքական գերատեսչության ղեկավարին կընդունի երկրի նախագահ Սերժ Սարգսյանը, տեղի կունենան բանակցություններ՝ Հայաստանի և Գերմանիայի արտգործնախարարների միջեւ։
