Գյուղատնտեսական ապրանքների մանր առեւտուրը նախկինի պես ազատված է ավելացված արժեքի հարկից եւ շրջանառության հարկից: Այս մասին, այսօր՝ հոկտեմբերի 23-ին, ԱԺ-ում հայտարարել է Ֆինանսների նախարար Վախթանգ Միրումյանը:
Նա հիշեցրել է, որ բացառապես գյուղատնտեսական առեւտրով զբաղվողներն ազատվում են շրջանառության հարկից, ինչը բխում է «Շրջանառության հարկի մասին» օրենքից:
«Բացառապես գյուղատնտեսական ապրանք արտադրող եւ վաճառող սուբյեկտները ԱԱՀ վճարողներ են, բայց միայն այն դեպքում, երբ անցնում են տարեկան շրջանառության 58,35 մլն դրամի շեմը: Մանր առեւտրականները չեն վճարում ոչ ԱԱՀ, ոչ էլ շրջանառության հարկ»,-ասել է նա:
Փոխնախարարը ընդգծել է, որ «Շրջանառության հարկի մասին» օրենքում վերջին փոփոխությունները, որոնք ուժի մեջ են մտել հոկտեմբերի 1-ից, չեն վերաբերում նրանց:
