Ազգային ժողովի Հանրապետական խմբակցությունը երբեք չափը չի անցնում եւ մշտապես օգտագործում է խորհրդարանական բառապաշար: Այսօր` հոկտեմբերի 23-ին, ՀՀԿ Գործադիր մարմնի նիստից հետո լրագրողների հետ զրույցում վստահեցրեց ՀՀԿ մամուլի խոսնակ, ԱԺ փոխնախագահ Էդուարդ Շարմազանովը:
«Լարվածությունը ՀՀԿ-ն չի ստեղծում, ինքս մի քանի անգամ իմ գործընկերներին կոչ եմ արել, որ օգտագործեն պառլամենտական բառապաշար: Մենք ինքներս երբեք չափը չենք անցնում»,- ասաց Շարմազանովը:
Նշենք, որ վերջին շրջանում ԱԺ նիստերը բավականին լարված են անցնում, ՀՀԿ-ական եւ ընդդիմադիր պատգամավորների թեժ վեճեր են լինում:
