Կիեւում Ուկրաինայի Հայերի միության կրթության կոմիտե կստեղծվի, այդ մասին հայտնում է ուկրաինական «Անալիտիկա» պորտալը:
Աղբյուրը փոխանցմամբ՝ նման որոշում է ընդունվել Կիեւում կայացած մանկավարժական ֆորումի ընթացքում:
Նոր կոմիտեն կիրակնօրյա դպրոցների եւ ֆակուլտատիվ դասարանների համար կհամակարգի հայերենի ուսուցման ծրագրերը: Ինքնուսուցման համար պատշաճ պայմաններ ստեղծելու համար համաժողովի մասնակիցները առաջարկել են նոր տեխնոլոգիաներ մշակել եւ ներդնել:
Ինչպես նշել է Ուկրաինայի Հայերի միության նախագահ Վիլեն Շատվորյանը, կազմակերպության աշխատանքի հիմնական ուղղություններից են հայկական դպրոցների, դասարանների եւ մանկապարտեզների բացումը, դասագրքերի ու գրքերի հրապարակումը:
