Ոստիկանությունը զանգվածային ծեծկռտուքից հետո 17 անձի է ձերբակալել, որը տեղի է ունեցել ուրբաթ օրը Ստամբուլի համալսարանի ուսանողների միջեւ, ովքեր տարբեր քաղաքական հայացքներ ունեն, հաղորդում է «Dogan» գործակալությունը:
Ձերբակալվածներից ոմանք կարգախոսներ էին հնչեցնում ի պաշտպանություն իսլամի. «Կեցցեն մահմեդական ուսանողները», «Մահմեդական ուսանողների վիրավորանքներն անպատասխան չեն մնա», իսկ մյուս մասը՝ հակակառավարական կարգախոսներ՝ «Կգա մի օր, երբ ճակատագիրը կփոխվի ու ԱԶԿ-ն (Արդարության եւ զարգացման կուսակցություն) պատասխան կտա ազգին», հաղորդում է «ՌԻԱ Նովոստին»:
Հիշեցնենք, որ հոկտեմբերի ընթացքում արդեն երկրորդ անգամ է ուսանողների միջեւ բախում տեղի ունենում՝ «Իսլամական պետության» կողմակիցների եւ հակառակորդների միջեւ: