NEWS.am-ին նոր մանրամասներ են հայտնի դարձել Մալաթիայում տեղի ունեցած սպանությունից: Մեր տեղեկություններով՝ ընտանիքում միշտ էլ անհաշտություններ են եղել: Ասում են, թե ամուսինը կնոջը կասկածել է դավաճանության մեջ: Դեպքից առաջ նա կնոջը հարցրել է՝ արդյոք դավաճանում է իրեն, թե ոչ, վերջինս դրական պատասխան է տվել եւ ամուսինը անմիջապես դանակով հարվածել է նրան: Ամուսինները ունեին որդի:
Ավելի վաղ NEWS.am-ը հայտնել էր, որ 2014թ. հոկտեմբերի 27-ին` ժամը 18:25-ին, շտապօգնության 7-րդ ենթակայանից ահազանգ է ստացվել, որ շտապօգնության 71-րդ բրիգադը կանչով մեկնել է Երևան քաղաքի Անդրանիկի փողոցի 13-րդ շենքի 9-րդ բնակարան, որտեղ պարզվել է, որ նշված տանը սպանվել է Մելանյա Պողոսյանը:
Դեպքի առթիվ նույն օրը ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում հարուցվել է քրեական գործ` ՀՀ քրեական օրենսգրքի 104-րդ հոդվածի 1-ին մասի հատկանիշներով: Նախաքննության ընթացքում պարզվել է, որ դեպքի օրը՝ կենցաղային հարցերի շուրջ ամուսիններ Մ.Պողոսյանի և Ա.Մնացականյանի միջև ծագած վիճաբանության ժամանակ, վերջինս ծալովի դանակով, կյանքից զրկելու դիտավորությամբ, բազմաթիվ հարվածներ է հասցրել Մելանյա Պողոսյանի մարմնի տարբեր մասերին` զրկելով նրան կյանքից: Առերևույթ հանցագործություն կատարելու կասկածանքով հոկտեմբերի 27-ին Ազատ Մնացականյանը ձերբակալվել է: Նախաքննությունը շարունակվում է: