Պետք չէ չափազանցել ԱԻՆ-ի նախազգուշացումը հոկտեմբերի 26-27-ին ջերմաստիճանի նվազման վերաբերյալ: Այս մասին խորհրդարանում հոկտեմբերի 28-ին լրագրողներին հայտնել է ՀՀ արտակագ իրավիճակների նախարար Արմեն Երիցյանը:
Նա նշել է, որ մի քանի օր առաջ արված եղանակի կանխատեսումը պետք չէ ավելորդ դրամատիկացնել: Երեւանում խոսքը ջերմաստիճանի 10 աստիճանով նվազելու մասին էր, ոչ թե մինուս 10 աստիճանի: «Ինչպե՞ս կարող էի ես մինուս 10 կանխատեսել: Ի՞նչ է, ես ժողովրդի թշնամի՞ն եմ», - ասել է Երիցյանը: Նա հավելել է, որ սիբիրյան ցիկլոնի հետեւանքներն այնքան սաստիկ չեն, սակայն բնակչությանը նախապես զգուշացնելն անհրաժեշտ էր:
Նշենք, որ այժմ հանրապետությունում տաքացում է դիտվում: Նոր ցրտեր եւ տեղումներ, ըստ ՀՀ ԱԻՆ «Հայպետհիդրոմետ» ծառայության տվյալի, սպասվում են առաջիկա շաբաթ օրվանից ոչ շուտ:
