Ըստ վաճառված մեքենաների թվի՝ ճապոնական «Toyota» ավտոկոնցերնը պահպանում է համաշխարհային առաջատարի կարգավիճակը: Այդ մասին հաղորդում է ՏԱՍՍ-ը՝ վկայակոչելով կոնցերնի վաճառքի վերաբերյալ տվյալներն, ըստ ընթացիկ տարվա հունվար-սեպտեմբեր ամիսների, որոնք հրապարակվել են հոկտեմբերի 28-ին:
Աղբյուրի տեղեկությունների համաձայն՝ տարվա սկզբից «Toyota»-ն աշխարհում իրացրել է 7 մլն 615 հազար մեքենա՝ նախորդ տարվա համեմատ գրանցելով 2,8 տոկոս աճ: Երկրորդ ռեղում գերմանական «Volkswagen AG»-ը՝ 7 մլն 540 հազար մեքենա ցուցանիշով՝ գրանցելով 5 տոկոս աճ: Երրորդ տեղում ամերիկյան «General Motors»-ն է, որը հունվար-սեպտեմբեր ամիսների ընթացքում 7 մլն 372 հազար մեքենա է իրացրել, ինչը 2 տոկոսով ավելի է, քան 2013թ.-ի նույն ժամանակաշրջանի ցուցանիշը:
Ճապոնական «Toyota» ավտոկոնցերնը, հիշեցնում է աղբյուրը, առաջատար դիրք է գրավում աշխարհում՝ ըստ վաճառած մեքենաների թվի, սկսած 2012թ.-ից:
