Եթե ծանոթ ներդրողներ կան, առաջարկեք Արագածոտնի մարզում բիզնես հիմնել: Այս մասին հոկտեմբերի 29-ին 2015թ. պետբյուջեի նախագծի քննարկման ժամանակ հայտարարել է Արագածոտնի մարզպետ Սարգիս Սահակյանը՝ պատասխանելով ԲՀԿ-ական պատգամավոր Միքայել Մելքումյանի դիտողությանը:
Իր խոսքում Մելքումյանը զարմանք էր հայտնել, թե ինչու է մարզպետը այդպես գովում Արագածոտնի «սոցիալական խնդիրների, գործազրկության եւ արտագաղթի առումով միջին մակարդակի» մարզը. «Ձեզ լսելով՝ մարդ ցանկանում է ամեն ինչ թողնել եւ ընդմիշտ տեղափոխվել այդտեղ», - ասել է Մելքումյանը:
Ի պատասխան Սահակյանը հայտարարել է. «Դե ինչ, եթե դուք նման ծանոթներ ունեք, հրավիրեք նրանց: Ասեք նրանց, որ մենք շատ ուրախ կլինենք եւ իրենց բիզնեսի համար կստեղծենք բոլոր պայմանները»: