Ամբողջ աշխարհում ոչ մի տեղ իդեալական ընտրություններ չեն ացնկացվում: Այդ մասին լրագրողներին հոկտեմբերի 29-ին հայտարարել է Հայաստանի Կենտրոնական ընտրական հանձնաժողովի նախագահ Տիգրան Մուկուչյանը: Այնուամենայնիվ, Հայաստանում բոլոր ընտրություններն անցնում են արդար, բաց ու թափանցիկ, հավելել է նա:
«Այն ընտրությունների մասին, որոնց կազմակերպումը ես ղեկավարել եմ որպես ԿԸՀ նախագահ, կարող եմ առաջին դեմքից խոսել: Իհարկե, լինում են որոշ խախտումներ, սակայն հարցն այն է, թե որքան մեծ են դրանք, որպեսզի ազդեն ընտրությունների ելքի վրա: Ոչ մի երկրում ընտրական իդեալական գործընթաց չի լինում: Գրեթե չես հանդիպի օրինակի, երբ ընտրությունների ամբողջ օրվա ընթացքում թեկուզ աննշան խախտում չգրանցվի: Սակայն մեր երկրում դրանք դուրս չեն գալիս աննշանների շրջանակներից»,- հավելել է Մուկուչյանը: