Բելգորոդում (Ռուսաստան) ոստիկանությունը քրեական հետախուզության բաժանմունքի աշխատակցուհու մոտ սինթետիկ թմրանյութ է գտել: Այդ մասին հայտնում է «Ռոսիսկայա գազետան»՝ վկայակոչելով Բելգորոդի մարզի ներքին գործերի նախարարության տարածքային վարչության մամուլի ծառայությանը:
Պարբերականի տվյալներով՝ ոստիկանության աշխատակցուհին հայտնել է, որ թմրանյութը ձեռք է բերել իր համար եւ չի պատրաստվել այն վերավաճառել: Գնման փաստը բացահայտել են Բելգորոդի մարզի ներքին գործերի նախարարության տարածքային վարչության օպերատիվ աշխատակիցները: Կինն ընդամենը 0,271 թմրամիջոց էր ձեռք բերել:
Այժմ նա կազատվի աշխատանքից եւ պատիժ կկրի: Բացի այդ, կարգապահական պատասխանատվության կենթարկվեն նաեւ վերջինիս ղեկավարները: