Կարիքավոր քաղաքացիներին այցելելու համար սոցիալական աշխատողներին հաստատագրված փոխհատուցումներ կվճարվեն: Համապատասխան որոշումն ընդունվել է այսօր՝ հոկտեմբերի 30-ին, կառավարության նիստին: Այսպես, սոցիալական ծառայության տարածքային բաժնի սահմաններում քաղաքացուն այցելելու համար (տուն, հիվանդանով, կամ բանտ) սոցիալական ծառայողը կստանա 200-ական դրամ, իսկ բնակավայրի սահմաններից դուրս՝ 500-ական դրամ: Նույն գումարներն են սահմանվել նաեւ աշխատաշուկայի մոնիթորինգի նպատակով գործատուներին այցելությունների համար:
Այցի նպատակները չեն փոխվել. սոցիալական աջակցության մեջ պահանջմունքի սահմանում, բժշկա-սոցիալական փորձաքննություն՝ հաշմանդամության որոշման կամ աշխատունակության կորստի համար:
Որոշումն ընդունվել է՝ պայմանավորված զբաղվածության խթանման նպատակով սոցիալական քաղաքականության ակտիվացմամբ. Այսպես, 2014թ. այդ նպատակով 5 հազար մարդկանց աշխատանքի տեղավորելու համար գործատուներին 1800 այցելություն է կազմակերպվել: