Հայաստանի պետական ճարտարագիտական համալսարանի ռեկտոր Հովհաննես Թոքմաջյանը հրաժարական տալու որեւէ հիմք չունի եւ չի էլ պատրաստվում դա անել: Այս մասին այսօր` հոկտեմբերի 30-ին, լրագրողների հետ զրույցում վստահեցրեց անձամբ ռեկտորը:
«Թող հույս չունենան, որ ես հրաժարական կտամ: Երկարաժամկետ լուրջ ծրագիր ենք իրականացնելու` համալսարանը տարածաշրջանում լավագույն ինժեներական բուհը դարձնելու համար: Բացի դրանից` մենք ամեն ինչ անելու ենք, որ առաջիկա հինգ տարիներին մենք դառնանք աշխարհի լավագույն 300 համալսարաններից մեկը մեր բնագավառում»,- ասաց Թոքմաջյանը:
Ռեկտորի խոսքով` իրենց համալսարանում տիրում է առողջ, գործնական մթնոլորտ, իսկ բնականոն ընթացքը խանգարող աշխատակիցները սակավաթիվ են:
Նշենք, որ սեքս սկանդալից հետո մամուլում շատ է շրջանառվում, որ ռեկտորը պատրաստվում է հրաժարական տալ:
Հիշեցնենք, որ սեպտեմբերի 5-ին համացանցում էին հայտնվել ՀՊՃՀ ռեկտոր Հովհաննես Թոքմաջյանի ֆեյսբուքյան էջի անձնական ինտիմ նամակագրությունը: Ռեկտորը հայտարարել էր, որ իր էջը կոտրել են, նա հաղորդում էր ներկայացրել ոստիկանությունում, հարուցվել է քրեական գործ ՀՀ քրեական օրենսգրքի 254-րդ հոդվածի 1-ին մասով:
