Մենք ուրախ կլինենք տեսնել Ղարաբաղը Եվրասիական տնտեսական միության կազմում: Այս մասին հոկտեմբերի 30-ի մամուլի ասուլիսում լրագրողներին հայտնել է հայ-ռուսական միջխորհրդարանական հանձնաժողովի ռուսաստանյան համանախագահ Նիկոլայ Ռիժկովը:
Ըստ նրա՝ այլ հարց է, թե ինչ կարգավիճակով Ղարաբաղը կմտնի ԵՏՄ: «Եթե այն լինի հայկական տարածք, խնդիր չկա: Դուք գիտեք կարգը. չլուծված տարածքային սահմաններով միությանը չեն անդամակցում: Հենց լուծվի Ղարաբաղի հարցը, մենք ուրախ կլինենք այն տեսնել Եվրասիական տնտեսական միության կազմում», - հավելել է Ռիժկովը: