100 տարի առաջ օգոստոսին եվրոպական պետությունները պատերազմ հայտարարեցին միմյանց՝ հուսալով, որ այն կավարտվի մինչեւ Սուրբ ծննդյան տոները, սակայն այն 16 միլիոն հոգու կյանք խլեց: Այսօր պատերազմի մասնակից եվրոպական երկրների ձեռքբերումը ներկայիս Եվրամիությունն է, միություն, որը ծնվեց Երկրորդ աշխարհամարտից հետո, եւ հիմա իրենից ներկայացնում է խաղաղության գոտի:
Երեւանում Բրիտանական եւ Գերմանիայի դեսպանատները Առաջին համաշխարհային պատերազմի 100-ամյա տարելիցի առիթով՝ հոկտեմբերի 31-ից դեկտեմբերի 5-ը համատեղ խորհրդանշական միջոցառումներ են անցկացնելու:
Առաջին միջոցառումը տեղի կունենա հոկտեմբերի 31-ին, ժամը 14:00-ին Գյումրու Լորդ Բայրոնի անվան թիվ 20 դպրոցում:
ՄԹ դեսպան Քեթի Լիչը եւ Գերմանիայի դեսպան Ռայներ Մորելը Բայրոնի դպրոցի եւ գյումրու գերմաներենի ուղղվածությամբ թիվ 3 եւ 25 դպրոցների աշակերտների հետ միասին կտնկեն արհեստական կարմիր կակաչներ, որոնք Բրիտանիայում խորհրդանշում են առաջին աշխարհամարտի զոհերի հիշատակը: Դեսպանները աշակերտների հետ զրույց կունենան պատերազմի, քաղած դասերի եւ Եվրոպական երկրների այսօրվա հարաբերությունների մասին:
