Հարավային Աֆրիկայի Հանրապետության մեծությամբ երկրորդ քաղաքում՝ Յոհանեսբուրգում, ոստիկանները ձերբակալել են մի կնոջ, որն իր ննջասենյակում 12 գողացված ոչխար է պահել, հաղորդում է News24-ը:
Ավելի վաղ հարեւան ֆերմայից 23 ոչխար էին գողացել, որոնցից 5-ին գտել էին հարեւան դաշտերում, իսկ 6 ոչխարի ճակատագիր անհայտ է մնում:
Իրավապահները պատմել են, որ կարողացել են ճանաչել ոչխարներին, քանի որ դրանց վրա նշաններ են եղել: Ոստիկանները պարզել են, որ կնոջ սենյակում կահույքից եղել է միայն մահճակալն ու պահարանը: Կինը կալանավորվել է, սակայն նա այդպես էլ չի կարողացել բացատրել, թե ինչպես են ոչխարները հայտնվել իր ննջասենյակում, հաղորդում է Lenta.ru-ն:
ՀԱՀ-ում անասունների գողությունը հազվադեպ երեւույթ չէ: Տարբեր տարիների պետությունը անասունների գողության դեմ պայքարում բանակային ստորաբաժանումներ է ներգրավել: