ԱՄՆ ոստիկանությունը ձերբակալել է ամենավտանգավոր հանցագործներից մեկին` Էրիկ Ֆրեյնին, որը կազմակերպել էր հարձակում ոստիկանների վրա, կրակել մեկ ոստիկանի եւ վիրավորել մյուսին, հայտնում է ՏԱՍՍ-ը` վկայակոչելով տեղի իշխանությունները:
«Ես կարող եմ հաստատել, որ մենք կալանավորել ենք Էրիկ Ֆրեյնին: Հավելյալ տեղեկությունն ավելի ուշ կտրամադրվի», - ոստիկանության պաշտոնական ներկայացուցչի խոսքերն է մեջբերում աղբյուրը:
Աղբյուրը նշում է, որ Ֆրեյնին մի քանի ամիս որոնել են ոստիկանության հազարավոր ներկայացուցիչներ: Նրա որոնումներն սկսվել էին, երբ վերջինս 2014 թ. սեպտեմբերին հարձակվել էր ոստիկանների վրա, սպանել նրանցից մեկին եւ ծանր վիրավորել մյուսին:
Ֆրեյնը ԱՄՆ ՀԴԲ-ի կողմից ընդգրկվել էր երկրի փախուստի մեջ գտնվող ամենավտանգավոր տասը հանցագործների ցանկում: