Հեռախոսահամարների եւ ավտոհամարների որոնմամբ անձանց ինքնությունը եւ հասցեն որոնող inchka.am կայքը ոստիկանությունը ուսումնասիրում է: Ոստիկանության լրատվական ծառայությունից NEWS.am-ը տեղեկացավ, որ նրանք տեղյակ են այդ կայքից, այժմ ուսումնասիրում են:
Inchka.am-ը կայքը երեկվանից բուռն քննարկման է արժանացել համացանցում: Օգտատերերը մուտքագրելով հեռախոսի կամ ավտոհամարներ, իմանում էին, թե ում անունով է այն եւ որտեղ է գրանցված այդ անձը: Տվյալների բազան հին է՝ 2012թ: Սա համարվում է իբրեւ անհատական տվյալների գաղտնիության խախտում եւ առաջնահերթ պատասխանատվության կենթարկվի այդ բազան ձեռք բերողը: Այսօր արդեն կայքը անհասանելի է եւ inchka.am-ի լինել, չլինելու հարցը դրված է քվեարկության:
«Ցավոք սրտի կայքի հետագա ճակատագիրը հարցական է: Ես ցուցադրել էի տեղեկատվության միայն մի մասը, որն իմ կարծիքով չի համարվում օրհենքի խախտում, ինչպես հեռախոսահամարների տնային գրքույկը: Սակայն կան մարդիկ, որոնք կարծում են, որ կայքի պարունակած ինֆորմացիան ունի անօրինական բնույթ: Ցավով եմ նշում, որ այս բազան հնարավոր է արգելափակվի, բայց դա ձեր իրավունք է և ես պարտավոր եմ վարվել այնպես, ինչպես մեծամասնությունն է պահանջում: Կամքը ձերն է: Ընտրեք այն տարբերակը, որն ավելի ճիշտ եք համարում: Եթե դուք սխալ է համարվում կայքի ստեղծումն, ապա ես հայցում եմ ձեր ներողամտությունը»,- գրել է կայքի սեփականատերը, ով էլ արգելափակել է համակարգը:
