2015թ. Ռուսաստանում ռուբլու նշանով առաջին ստեղնաշարերը կհայտնվեն, հաղորդում է Lenta.ru-ն:

KraftWay ընկերության թղարկած ստեղնաշարերի առաջին խմբաքանակներում ռուբլու նշանը կտեղակայվի «8» թվի կոճակի տակ: Աղբյուրի փոխանցմամբ՝ Lenovo եւ HP ընկերությունները դեռեւս չեն շտապում փոփոխություններ կատարել: Microsoft-ն ու Logitech-ը նույնպես չեն պատրաստվում փոփոխությունների: iPhone եւ iPad վերջին մոդելներում ռուբլու նշանն առկա է:

Տարբեր օպերացիոն համակարգերում ռուսական ռուբլու նշանի ներդրման առաջարկությունը ներկայացրել է Ռուսաստանի բանկի փոխնախագահ Գեորգի Լունտովսկին: Վերջինս Apple-ին ու Microsoft-ին նամակներ է ուղարկել եւ հայտնել, որ ստեղնաշարի վրա ռուբլու խորհրդանիշը նախընտրելի է օգտագործել աջ Alt-ի եւ կիրիլյան Р-ի կամ աջ Alt-ի եւ «8» սիմվոլի համակցությամբ:

Արդյունքում Microsoft-ը որոշել է ռուսական արժույթի նշանի համար օգտագործել է Alt եւ «8», իսկ Apple-ը՝ Alt եւ կիրիլյան այբուբենի Р-ն: