Samsung ընկերությունը ներկայացրել է իր երկու ամենաբարակ սմարթֆոնները` Galaxy A5-ը եւ Galaxy A3-ը, հայտնում է Lenta.ru-ն` վկայակոչելով Samsung ընկերությանը:

Սմարթֆոններն ունեն մետաղական կորպուսներ եւ 6,7 մմ եւ 6,9 մմ լայնություն:  Galaxy A5 –ն ունի 5-դյույմանոց էկրան, երկու գբ օպերատիվ հիշողություն, քառամիջուկ պրոցեսոր: Galaxy A3-ն ունի համարժեք բնութագրեր`  4,5-դյույմանոց էկրան, մեկ գբ օպերատիվ հիշողություն եւ 8 մեգապիքսելանոց ֆոտոխցիկ, պրոցեսորը նույնն է: 

Երկու գաջետն էլ ունեն Android KitKat (4.4) օպերացիոն համակարգ,  4G եւ micro-SD հիշողության քարտ:

Ընկերության հեռախոսները Չինաստանում եւ որոշ երկրներում վաճառքի կհանվեն նոյեմբերին: Ընկերությունն առաջարկում է սմարթֆոնների տարբեր գունային տարբերակներ` սպիտակ, սեւ, արծաթագույն, բաց երկնագույն, վարդագույն եւ ոսկեգույն: Նոր գաջետների արժեքը չի նշվում: